Verena Police Station Robbed and All firearms stolen from Vault...

http://www.netwerk24.com/nuus/misdaa...polisiekantoor
n Bende het Donderdagaand ’n polisiekantoor in Verena, Mpumalanga, beroof en vuurwapens gebuit. Brig. Selvy Mohlala, polisiewoordvoerder van Mpumalanga, het gesê sowat agt gewapende mans het die polisiekantoor omstreeks 21:00 bestorm.
“Die mans het al die mense wat binne was, beveel om op die grond te lê,” het Mohlala gesê.
“Daarna het hulle polisiebeamptes en lede van die publiek wat daar was om klagte in te dien, vasgebind. ’n Onbekende aantal vuurwapens, asook selfone, is gesteel.
“Niemand is aangerand nie. Die voorval het so vinnig gebeur. Die mense is vasgebind, die polisiekantoor is geplunder en die rowers is daar weg.
“Ek dink hulle het so vinnig gemaak want hulle was bang van die polisiebeamptes wat op ’n patrollie was, kom terug.”
Mohlala het gesê niemand is nog in hegtenis geneem nie, maar die saak word ondersoek.